Heavy Rains : తెలుగు రాష్ట్రాలకు ఐఎండీ హెచ్చరిక – ఐదు రోజుల పాటు భారీ వర్షాలు

Heavy Rains : భారత వాతావరణ శాఖ (IMD) వెల్లడించిన తాజా నివేదిక ప్రకారం, రానున్న ఐదు రోజులు ఆంధ్రప్రదేశ్‌, తెలంగాణలో భారీ వర్షాలు కురిసే అవకాశం ఉంది. నైరుతి రుతుపవనాల రాక, బంగాళాఖాతంలో ఏర్పడిన ఉపరితల ఆవర్తనం కారణంగా వర్షపాత మోతాదులు పెరిగే అవకాశం ఉంది.

తెలంగాణలో ఇప్పటికే 18 జిల్లాలకు ఆరెంజ్‌ అలెర్ట్‌, మరో 15 జిల్లాలకు ఎల్లో అలెర్ట్‌ జారీ చేశారు. గంటకు 50 కిమీ వేగంతో ఈదురు గాలులు వీస్తాయని హెచ్చరికలతో పాటు ప్రజలు అప్రమత్తంగా ఉండాలని సూచిస్తున్నారు.

జూన్ మొదటి వారంలో నైరుతి రుతుపవనాలు ఏపీపై ప్రభావం చూపనుండగా, “శక్తి” అనే పేరుతో బలపడుతున్న ఆవర్తనం ఒడిశా, ఏపీ ప్రాంతాల్లో మరింత వర్షాలను తీసుకురావచ్చు. ప్రజలు అవసరమైన ముందు జాగ్రత్తలు తీసుకోవాలని విపత్తు నిర్వహణ సంస్థలు హెచ్చరిస్తున్నాయి.