Allu Arjun : గద్దర్ అవార్డులపై అల్లు అర్జున్ స్పందన

Allu Arjun : తెలంగాణ ప్రభుత్వం ప్రకటించిన గద్దర్ అవార్డులో ఉత్తమ నటుడిగా ఎంపిక కావడం పట్ల నటుడు అల్లు అర్జున్ హర్షం వ్యక్తం చేశారు. ఈ గౌరవాన్ని అందుకోవడం చాలా మహత్త్వంగా భావిస్తున్నానని ఆయన పేర్కొన్నారు.

“ఈ అవార్డును పొందడం గర్వంగా ఉంది. నా ప్రయత్నానికి ఈ గుర్తింపు ఇవ్వడంలో తెలంగాణ ప్రభుత్వానికి హృదయపూర్వక ధన్యవాదాలు,” అని చెప్పారు.

అల్లు అర్జున్ తన విజయానికి దర్శకుడు సుకుమార్ మరియు నిర్మాతలకే క్రెడిట్‌ ఇస్తూ, “వారు లేకపోతే ఈ స్థాయికి చేరుకోలేనని” స్పష్టం చేశారు. అలాగే, ఈ గద్దర్ అవార్డును తన అభిమానులకు అంకితమిస్తున్నానని తెలిపారు.

“అభిమానులు చూపించే ప్రేమ, మద్దతు నాలో స్ఫూర్తిని నింపుతూనే ఉంటాయి. వారు నా అసలైన బలం,” అని అల్లు అర్జున్ అభిమానం వ్యక్తం చేశారు.