Lokesh : వంద పాకిస్థాన్‌లు వచ్చినా భారత్‌ను ఏమీ చేయలేరు: లోకేశ్
Lokesh : మంత్రి నారా లోకేశ్ అన్నారు, “ఒక పాకిస్థాన్ కాదు, వంద పాకిస్థాన్‌లు వచ్చినా భారత్‌కు ఏమీ చేయలేవు,” అని. అమరావతి పునర్నిర్మాణ సభలో మాట్లాడుతూ, మోదీ భారతదేశానికి మిసైల్‌లాంటి నాయకుడని చెప్పారు. ఆంధ్రప్రదేశ్‌పై మోదీకి ప్రత్యేక ప్రేమ ఉందని, రాష్ట్ర ప్రాజెక్టులకు ఆయన మద్దతు ఇస్తున్నారని చెప్పారు. 2014లో రాజధాని లేకుండానే చంద్రబాబు ఆత్మస్థైర్యంతో రాష్ట్రాన్ని ముందుకు తీసుకువచ్చారని ప్రశంసించారు.
అమరావతి కోసం రైతులు నిరంతరం పోరాడుతూ “జై అమరావతి” నినాదం నిలబెట్టారని తెలిపారు. అమరావతి ఎవరి ఇంట్లో పెంచుకున్న మొక్క కాదని, జనం గుండెల్లో పెట్టుకున్న ప్రజా రాజధాని అని అన్నారు. చివరగా, “రైతులకు శిరసు వంచి నమస్కరిస్తున్నా, అమరావతి అన్‌స్టాపబుల్‌,” అని స్పష్టంగా చెప్పారు.