Congress Six Guarantees:కాంగ్రెస్ ఆరు గ్యారంటీలు ఇవే

Congress Six Guarantees:తెలంగాణ ముఖ్య‌మంత్రిగా ఎనుముల రేవంత్ రెడ్డి గురువారం మ‌ధ్యాహ్నం ఎల్బీ స్టేడియంలో కాంగ్రెస్ అగ్ర‌నేత‌లు, కార్య‌క‌ర్త‌లు, అశేష అభిమానుల స‌మ‌క్షంలో ప్ర‌మాణ స్వీకారం చేశారు. ప్ర‌మాణ స్వీకారం అనంత‌రం రెండు ముఖ్య‌మైన ఫైల్‌ల‌పై ఆయ‌న సంత‌కం చేశారు. ఇటీవ‌ల జ‌రిగిన తెలంగాణ అసెంబ్లీ ఎన్నిక‌ల్లో ఆరు గ్యారంటీల‌ను ప్ర‌క‌టించి ఓట‌ర్ల‌ని ఆక‌ర్షించిన విష‌యం తెలిసిందే. ఆ ఆరు గ్యారంటీల ఫైల్‌పై ముఖ్య‌మంత్రి రేవంత్ రెడ్డి తొలి సంత‌కం చేశారు.

ముఖ్య‌మంత్రి రేవంత్ రెడ్డి తొలి సంత‌కం చేసిన ఆరు గ్యారంటీలు ఇవే.

1. మ‌హాల‌క్ష్మి ప‌థ‌కం – పేద మ‌హిళ‌ల‌కు నెల‌కు రూ. 2500. ఆర్టీసీ బ‌స్సుల్లో ఉచిత ప్ర‌యాణం. రూ. 500కె గ్యాస్ సిలిండ‌ర్‌.

2. గృహ‌జ్యోతి – ప్ర‌తి కుటుంబానికి 200 యూనిట్ల వ‌ర‌కు ఉచిత విద్యుత్‌.

3. రైతు భ‌రోసా – రైతుల‌కు, కౌలు రైతుల‌కు ఎక‌రానికి రూ.15000, వ్య‌వ‌సాయ కూలీల‌కు రూ.12000. వ‌రి పంట‌కు రూ.500 బోన‌స్‌.

4. యువ వికాసం – ప్ర‌తి మండ‌లంలో తెలంగాణ ఇంట‌ర్నేష‌న‌ల్ స్కూల్‌. విద్యార్థుల‌కు రూ. 5 ల‌క్ష‌ల విద్యా భ‌రోసా కార్డు.

5. చేయూత – రాజీవ్ ఆరోగ్య‌శ్రీ బీమా రూ.10 ల‌క్ష‌లు. నెల‌వారీ పింఛ‌ను రూ. 4000.

6. ఇందిర‌మ్మ ఇళ్లు – ఉద్య‌మకారుల‌కు 250 చ‌ద‌ర‌పు గ‌జాల ఇంటి స్థ‌లం, ఇల్లు లేని వారికి ఇంటి స్థ‌లం. రూ.5 ల‌క్ష‌లు.